Versión Mayagna – Nicaragua
Indian sulani balna yak parasna lâni
Mâ bitik kidika mâ muihki barak balna yulni alasna dûnin mani ki, angkaupak mahaiwa kidika, mâ yalahda balna, mâ yulni, amput yalahda kidika, mâ sauki kulna nuhni duwa kidika, ma bitik yak ma sangkika yamni dûnin.
Mâ bitik kidika dutni lâni balna yulni yaknin, wak talwa lâni yak dawi taihna lâni niningyak mayang, mâ pâki balna mai dakwi aina dawak warmani kat ban, mâ yalahda lâni balna diswi aiwi, mâ sauki sahyakna, dawak yamna kulna nuhni duda balna bitik diswi aina alas mâ yalahda lâni…. Mâ bitik yak yulnina yakdi, witing yamna dutni balna niningkauh mayang yulni mâ ramhki yuldi dawak yamni yamwi mayanin, sau aiska yak sulani balna bitik yulni, baisa bik kaput lâni want awas mayang, niningkauh parani yuldi, niningkauh yultayang, mâ muihki barak balna kulna nuhni kidika kulnin karak libitdi yuldi dawak waradika yangna yultayangna, adika yamna dutni balna karak kalpakdi dawak niningkauh mayang adika taihna dutni lâni yak dawak disnin lâni duaiwa niningkauh palni mayang.
DI BAISA ATNIN AWASKI, Akat indian sulani tâ tûna balna bangmayang, mâ yalahda lâni parasni dudi, ma tuki yulni dudi, mâ sangkika balna yamni yalahna lâni karak dudi, mayang yalahna lâni kulnin lani dawak mâ ramhki dudi.
Warmani indian sulani balna, akat yalahda muihni balna, ma wanaihki balna ani aslah duda balna dawak mayang pri lâni duda balna, warmani laih niningkauh yulni dawak mâ ramhki kidika yulni parasni yulni, adika tâni balna yamnin, adika sauni akat kipala dadasni kapat dudi mawi, adika mâni wisamni yamdi mahaiwa akat dawak niningkana wisamni, ingni talna lâih niningkana tanit naikau talna lani karak yamdi, sauni aiska balna kidika dawak muih sangnika duwa balna kidika mayang muih ramhni dawak pri lâni kidika yulni taldi
Aslah kalwanaih kapat kalpakdi minit bayaknin…tanit yak win malahwi.
Managua, 9 de Agosto, 2022
Gobierno de Reconciliación
y Unidad Nacional
República de Nicaragua
